🌺💐 बसंत उत्सव श्रृंगार दर्शन 18.02.2023 💐🌹
देखि सखी अति आज बन्यौरी वृन्दाविपिन समाज। आनन्दित बज लोग भोग सुख सदा श्याम कौ राज।। राधारवन बसन्त नचायो पंचम धुनि सुनि कान। धरनि गिरत सुर किन्नर कन्या बिथकित गगन विमान।। पुलकित कोकिल कुंजन ऊपर गुंजत मधुकर पुंज। बाजत महुवर बैन झांझ डफ ताल पखावज रुज ॥ केसर भरि भरि लै पिचकारी छिरकत श्यामहि धाइ। छिरकि कुँवरि बूका भरि चोबा लई कंठ लपटाय ॥ मुकुलित विविध विटपकुल वर्षत पावन पवन पराग। तन-मन-धन न्यौछावर कीन्हौं निरखि व्यास बड़भाग ॥
🌺🌿 जय जय श्री हरिवंश 🌿🌺
.png)
0 Comments